Թուրքիան բոյկոտելու է ամերիկյան էլեկտրոնային ապրանքները
Թուրքիայի նախագահը տեղեկացրել է, որ այդ երկրում բոյկոտելու են ԱՄՆ-ի արտադրած էլեկտրոնային ապրանքները:
Երեքշաբթի օրը Անկարայում ունեցած ելույթի ժամանակ Ռեջեբ Թայիբ Էրդողանը ընդգծել է.«ԱՄՆ նախագահ Դոնալդ Թրամփի անտրամաբանական ու անխոհեմ տնտեսական քաղաքականություններին դիմակայելու համար, այսուհետ Թուրքիան կարտադրի արտարժույթով ներկրվող ապրանքները և կարտահանի այլ երկրներ»:
Նշելով, որ Թուրքիայի դեմ Թրամփի տնտեսական քաղաքականությունները չեն համապատասխանում ոչ մի տրամաբանության, Էրդողանը հավելել է.«Երբ ամերիկացի պետայրերը չեն կարողանում իրենց ցանկությունները պարտադրել Թուրքիային, զինուժը և քաղաքական ու հասարակական անկայունությունը որպես զենք են օգտագործում իրենց ցանկություններին հասնելու համար»:
Թուրքիայի նախագահը հստակեցրել է.«Անկարան առավել քան երբևէ կընդառաջի այն տնտեսական ակտիվիստներին, ովքեր մտադիր են ներդրում կատարել Թուրքիայում»:
