Կանադան ևս պատժամիջոցներ է սահմանելու Սաուդյան Արաբիայի նկատմամբ
Ողջունելով ԱՄՆ-ի կողմից Արաբիայի 17 քաղաքացիների նկատմամբ պատժամիջոցների սահմանումը,Կանադայի ԱԳ նախարարը տեղեկացրել է սաուդցի ընդդիմադիր լրագրող Ջամալ Խաշողջիի սպանության հեղինակների դեմ պատժամիջոցներ սահմանելու հավանականության մասին:
Ինչպես հաղորդում է «ՍԻ ԷՆ ԷՆ» հեռուստաընկերությունը, Կանադայի ԱԳ նախարար Քրիստիա Ֆրիլանդը հինգշաբթի օրը հայտարարել է.«Օտտավան ողջունում է Ռիադի դեմ Վաշինգտոնի պատժամիջոցների սահմանումը:Կանադան քննարկում է առաջիկա օրերին նման քայլեր ձեռնարկելու հարցը»:
Ավելի վաղ ԱՄՆ ֆինանսների նախարարությունը ուշացած ու ցուցադրական քայլի դիմելով պատժամիջոցներ է սահմանել Սաուդյան Արաբիայի 17 քաղաքացիների,այդ թվում Ստամբուլում այդ երկրի ավագ հյուպատոսի նկատմամբ:
Սույն թվականի Օգոստոսին Կանադայի կառավարությունը քննադատել էր Արաբիային՝ այդ երկրում մարդու իրավունքների ակտիվիստների ձերբակալությունների պատճառով: Այդ թվականից լարվել են Ռիադ-Օտտավա հարաբերությունները: Երկու երկրի միջև դադարել են առևտուրն ու ներդրումները:
Կանադայի կողմից Ռիադին ուղղված քննադատությունից հետո, Արաբիայի ռեժիմը երկրից արտաքսեց Կանադայի դեսպանին և միևնույն ժամանակ այդ երկրից հետ կանչեց իր դեսպանին:
