Կանադայի ժողովուրդն աջակցում է Ֆրանսիայի «դեղին ժիլետների» շարժմանը
Կանադացի բողոքարարները դեղին ժիլետներ հագնելով և ներշնչվելով Ֆրանսիայի զանգվածային ցույցերից Կանադայի տարբեր քաղաքների փողոցներում քայլարշավ են կատարել:
Դեղին ժիլետավորներն ի նշան Կանադայի կառավարության քաղաքականությունների դեմ բողոքի և ի պաշտպանություն Ֆրանսիայի ժողովրդի, Կանադայի տարբեր քաղաքներում ցույցեր են անցկացրել:
Տասնյակ բողոքարարներ, հավաքվելով Հալիֆաքսի քաղխորհրդի շենքի առջև, խոստորեն քննադատել են Կանադայի վարչապետ Ջասթին Թրյուդոյի վարած քաղաքականությունները:
Նման ցույցեր են տեղի ունեցել նաև Տորոնտո, Էդմոնտոն և Վիննիպեգ քաղաքներում:
Այն դեպքում, երբ Ֆրանսիայի նախագահ Էմանուել Մակրոնը նահանջելով իր նախկին դիրքերից փորձել է հանդարտեցնել իրավիճակը և արտոնություններ տալ կառավարության ընդդիմադիրներին ու բողոքարարներին, «դեղին ժիլետավորները» շարունակում են բողոքի ակցիաները:
Սա ամենալուրջ ճգնաժամն է համարվում Մակրոնի 18-ամսյա նախագահության ընթացքում:
Վառելիքի գների բարձրացման դեմ «դեղին ժիլետներ»-ի շարժումը Ֆրանսիայում սկսվել է նոյեմբերի 17-ին: Զանգվածային բողոքները տարածվել են նաև եվրոպական այլ երկրներում, այդ թվում Նիդերլանդերնում և Բելգիայում:
