Լավրով. Արևմուտքն անտեսում է Վրաստանում գլուխ բարձրացրած ծայրահեղականությունը
ՌԴ ԱԳ նախարարը հայտարարել է, որ արևմտյան երկրներն անտեսում են Վրաստանում գլուխ բարձրացրած ծայրահեղությունն ու ազգայնականությունը:
Տարածաշրջանային ՀԿ-ների ներկայացուցիչների հետ Ռուսաստանում կայացած հանդիպման ժամանակ, Լավրովն անդրադառնալով աշխարհում ԱՄՆ-ի ապակառուցողական քաղաքականությանն ասել է. «Արևմտյան երկրները փակել են իրենց աչքերը Վրաստանում հակառուսական շարժման և ծայրահեղականների գործողությունների դեմ, որպեսզի վնասեն երկու երկրների պատմական հարաբերություններին»:
Լավրովը հավելել է. «Վրաստանն այսօր Արևմուտքի գեոպոլիտիկական ճարտարապետության լավագույն օրինակն է»:
Հինգշաբթի օրը, Վրաստանում բողոքի ցույց էր կազմակերպվել այդ երկրի խորհրդարանում ուղղափառ քրիստոնյաների նիստում Ռուսաստանի պատվիրակության ներկայության դեմ: Կառավաության ընդդիմադիրները պահանջում էին Խորհրդարանի նախագահի և խոսնակի հրաժարականները:
Վրաստանի ու Մոսկվայի միջև լարվածության սրմանը զուգահեռ, ՌԴ նախագահ Վլադիմիր Պուտինը ստորագրել է հրամանագիր, որով, բոլոր ռուսական ավիաընկերություններին, արգելել է թռիչքներ իրականացնել դեպի Վրաստան: