Բացահայտվել է ՀԳՀԾ-ից Իրանի դուրս գալու համար նախատեսված Բոլթոնի դավադրությունը
Լրատվական աղբյուրները հաղորդել են, որ Սպիտակ Տան որոշ պաշտոնյաներ փորձում են Թրամփին համոզել այնպիսի քայլեր ձեռնարկել, որպեսզի Իրանը նախքան ԱՄՆ-ում 2020 թվականին կայանալիք նախագահական ընտրությունները, դուրս գա Համատեղ գործողությունների համապարփակ ծրագրից:
McClatchy ինտերնետային կայքը, հղում անելով երկու իրազեկ աղբյուրի, հաղորդել է.«ԱՄՆ-ի Ազգային անվտանգության հարցերով խորհրդական Ջոն Բոլթոնը և նրա խորհրդականները քննարկում են նոր պատժամիջոցների կիրառման հարցը ՀԳՀԾ-ին հարվածելու և այն տապալելու նպատակով»:
ԱՄՆ-ում 2020 թվականին կայանալիք նախագահական ընտրությունների դեմոկրատական թեկնածուներն անցած շաբաթ նախնական բանավեճերում ասել են, որ հունիսին Թեհրանի նկատմամբ Թրամփի վտանգավոր քայլը ՀԳՀԾ-ից դուրս գալու հետևանքով նրա ստեղծած ճգնաժամի արդյունքն էր:
ԱՄՆ նախկին նախագահի տեղակալ Ջո Բայդենը ևս ասել է.«Իրանի նկատմամբ ճնշումները խստացնելու Թրամփի քաղաքականությունն նրա ստեղծած աղետն է: Թրամփը ցանկանում է իր ստեղծած կրակի բոցերը մարելով, հեղինակություն վաստակել»:
McClatchy ինտերնետային կայքը գրել է.«Չնայած ՀԳՀԾ-ից ԱՄՆ-ի դուրս գալուն, այդ համաձայնագրի պահպանումը և Սպիտակ Տան հետ կրկին բանակցելուց Իրանի հրաժարվելը, կարող են 2020 թվականի ընտրություններում մարտահրավեր նետել Թրամփին»:
