Վրաստանի ու Չինաստանի միջև ազատ առևտրի մասին բանակցությունները կավարտվեն ձմռանը
Sputnik լրատվական գործակալության փոխանցմամբ՝ Վրաստանի էկոնոմիկայի ու կայուն զարգացման նախարար Դմիտրի Կումսիշվիլին հայտարարել է, որ Վրաստանի ու Չինաստանի միջև ազատ առևտրի մասին բանակցությունները անցնում են կառուցողական մթնոլորտում ու կավարտվեն ձմռանը
«Չինաստանի հետ ազատ առևտրի մասին բանակցություններն անցնում են բավական կառուցողական։ Առաջին փուլն անցել է փետրվարի 23-ին։ Երկրորդ փուլի ժամկետը հստակեցվում է։ Այն, ենթադրաբար, տեղի կունենա ամռան սկզբին։ Երրորդ փուլը տեղի կունենա աշնանը, իսկ ձմռանը կանցկացվի ամփոփիչ փուլը։ Բանակցությունները, բոլոր տվյալների համաձայն, պետք է ավարտվեն չորրորդ փուլում»,- ասել է նա։
Չինաստանի հետ ազատ առևտրի համաձայնագրի կնքումից հետո Վրաստանը արտոնյալ հատուկ առևտրային ռեժիմ կունենա այնպիսի երկրների հետ, որոնց բնակչության ընդհանուր թիվը գերազանցում է 2․2 միլիարդը (ԵՄ, Չինաստան)։
