Բրազիլիան վերջապես ընդունել է Ամազոնի հրդեհը մարելու համար արտաքին օգնությունը
Բրազիլիայի նախագահը վերջապես համաձայնել է ընդունել Ամազոնի անտառներում բռնկված հրդեհը մարելու համար նախատեսված ֆինանսական աջակցությունը:
Երեքշաբթի օրը, Մեծ Յոթնյակի երկրների կողմից ֆինանսական աջակցությունը մերժելուց մեկ օր անց, Ժայիր Բոլսոնարոյի խոսնակը հայտարարել է, որ Բրազիլիան կընդունի միջազգային կազմակերպությունների և առանձին երկրների առաջարկած ֆինանսական աջակցությունը՝ Ամազոնի հրդեհները մարելու համար:
Ամազոնի անտառներում բռնկված հրդեհների տարածումից ու անկառավարելի դառնալուց հետո, աշխարհի շատ երկրներ, Բրազիլիայի նախագահին մեղադրեցին ճգնաժամային վիճակն անտեսելու մեջ:
Ֆրանսիայի նախագահ Էմանուել Մակրոնն Ամազոնի հրդեհները համարել է «գլոբալ ճգնաժամ»: Բոլսոնարոյին հղած ուղերձում, Մակրոնը նշել է. «Մենք չենք կարող ձեզ թույլ տալ ոչնչացնել ամեն ինչ»:
Հրդեհը ոչնչացրել է Ամազոնի անտառների հազարավոր հեկտարներ, որոնք գտնվում են Բրազիլիայի, Բոլիվիայի և Պարագվայի տարածքներում: Այս երկրներում արտակարգ դություն է սահմանվել:
