Թրամփը ՀԳՀԾ-ից դուրս է եկել Իսրայելին սատարելու նպատակով
ԱՄՆ նախագահն իր ելույթում խոստովանել է, որ ՀԳՀԾ-ից դուրս է եկել Իսրայելին սատարելու նպատակով:
Ալ Ջազիրա հեռուստաընկերության հաղորդման համաձայն, պահպանողական կուսակցության հասարակական ակտիվիստների ամենամյա նիստում ունեցած ելույթում, Թրամփը հայտարարել է. «Ես ճանաչեցի Իսրայելի ինքնիշխանությունը Գոլանի բարձունքների նկատմամբ և դուրս եկա Իրանի հետ միջուկային համաձայնությունից»:
Նա հավելել է.«ԱՄՆ-ը ութ տրիլիոն դոլար ծախսել է Արևմտյան Ասիայում, կորցրել է հազարավոր ուժեր և մյուս կողմում միլիոնավոր մարդկանց սպանվելու ականատես է եղել, հետևաբար Արևմտյան Ասիայում պատերազմի մեջ մտնելն ԱՄՆ-ի մեծագույն սխալն էր»:
ԱՄՆ նախագահը խոստովանել է. «Մենք շարունակում ենք աջակցել Իսրայելին: Այդ շրջանակում, ես ԱՄՆ դեսպանատունը տեղափոխեցի Երուսաղեմ և քաղաքը ճանաչեցի որպես Իսրայելի հավերժական մայրաքաղաք»:
Հատկանշական է, որ Թրամփը հայտարարում է ՀԳՀԾ-ից Իսրայելին սատարելու նպատակով դուրս գալու մասին, երբ ավելի վաղ հայտարարել էր, որ այդ համաձայնագիրը որևէ օգուտ չունի ամերիկացիների համար:
2018 թ. ԱՄՆ նախագահը, միակողմանի կերպով դուրս եկավ ՀԳՀԾ-ից և վերականգնեց հակաիրանական պատժամիջոցները:
Ինչպես ԱՄՆ-ի նախագահն է խոստովանել, Իրաքի դեմ ԱՄՆ-ի հարձակումից առաջ, Արևմտյան Ասիայի տարածաշրջանն ավելի կայուն ու ապահով էր:
Թրամփն ասել է.«Մենք տասը տարի մնացել ենք Սիրիայում և այժմ պետք է մեր զորայիններին դուրս բերենք անավարտ պատերազմների ցիկլից»:
Հակադարձելով Սիրիայի հյուսիսային շրջանների դեմ Թուրքիայի հարձակմանը, ԱՄՆ-ի նախագահն ասել է.«Մեզնից խնդրեցին Սիրիայում քրդերի կողքին պատերազմել, սակայն ես ասել եմ, որ մենք կողմնապահություն չենք անում: Մենք օգնել ենք քրդերին և ֆինանսական ռեսուրսներ ենք տրամադրել նրանց: Նրանք պաշտպանում են իրենց հայրենիքը և դա լավ է»:
