Հյուսիսային Կորեան բալիստիկ հրթիռ է արձակել Ճապոնական ծովի ուղղությամբ
Հարավային Կորեայի բանակի հրամանատարությունը հայտարարել է, որ Հյուսիսային Կորեան հրթիռ է արձակել Ճապոնական ծովի ուղղությամբ:
Հարավային Կորեայի Yonhap լրատվական գործակալության հաղորդման համաձայն՝ Հարավային Կորեայի բանակի հրամանատարությունը հայտարարել է, որ Հյուսիսային Կորեայի բանակը հինգշաբթի օրը մեկ հրթիռ է արձակել Ճապոնական ծովի ուղղությամբ:
Մինչ այժմ Հյուսիսային Կորեան ոչ մի կարծիք չի հայտնել այդ հրթիռի արձակման վերաբերյալ:
Հյուսիսային Կորեայի բանակը հոկտեմբերի 3-ին ևս փորձարկել էր մի նոր բալիստիկ հրթիռ, այն արձակելով Ճապոնական ծովի ուղղությամբ: Հրթիռի արձակումն իրականացնվել էր սուզանավից։
Ստոկհոլմյան բանակցությունների ձախողումից հետո, Հյուսիսային Կորեայի պաշտոնատարներն ընդգծել են.«Քանի դեռ Վաշինգտոնը վերջ չի տվել Փխենյանի դեմ իր թշնամական կողմնորոշմանը, այլևս չեն բանակցելու ԱՄՆ-ի հետ»:
Հյուսիսային Կորեան ԱՄՆ-ից պահանջում է չեղարկել Փխենյանի նկատմամբ սահմանած պատժամիջոցները, սակայն Վաշինգտոնն ամեն անգամ անհիմն պատճառներով խստացնում է այդ պատժամիջոցները:
