Ռուսաստան. Պատժամիջոցները չեն կարող փոխարինել դիվանագիտությանը
ՄԱԿ-ում Ռուսաստանի դեսպանը հայտարարել է, որ Կորեական թերակղզու ճգնաժամը հնարավոր չէ լուծել պատժամիջոցներով և ճնշումներով:
Նրա խոսքերով. «Պատժամիջոցները չեն կարող փոխարինել դիվանագիտությանը»:
Չորեքշաբթի օրը, Հյուսիսային Կորեայի հարցով ՄԱԿ-ի Անվտանգության Խորհրդի նիստում ունեցած ելույթում, Վասիլի Նեբենզիան ասել է. «Բանակցությունների գործընթացը երկկողմանի գործընթաց է: Եվ հնարավոր չէ հասնել համաձայնության, քանի դեռ պատժամիջոցները չեն չեղարկվել»:
Նա հավելել է. «Կորեական թերակղզու միջուկային զինաթափումն անհնար է պատժամիջոցների պայմաններում և առանց խաղաղության գործընթացների»:
Նեբենզիան Նահանգներին ու մի շարք այլ երկրների կոչ է արել զերծ մնալ միակողմանի սահմանափակումներից ու պատժամիջոցներից, հավելելով. «Նման սահմանափակումների օրինականացումն առանց ԱԽ և պատժամիջոցների հանձնաժողովի հաստատման, անընդունելի է»:
