Ադրբեջանում իսրայելական կործանիչներ տեղակայվելու մասին հաղորդումները հերքվել են

Ադրբեջանի պաշտպանության նախարարությունը հերքել է այդ երկրի տարածքում Սիոնիստական ռեժիմի կործանիչների տեղակայման վերաբերյալ որոշ լրատվամիջոցների հաղորդումները:

ԱՊԱ լրատվական գործակալության հաղորդման համաձայն՝ Ադրբեջանի  պաշտպանության նախարարությունն ուրբաթ օրն արձագանքելով այդ երկրի տարածքում իսրայելական կործանիչներ տեղակայվելու կապակցությամբ որոշ լրատվամիջոցների հաղորդումներին, հրապարակել է հաղորդագրություն, որում հայտարարել է, որ այդ հաղորդումներն անհիմն են:

Ադրբեջանի պաշտպանության նախարարությունն ընդգծել է.«Այս երկրում ոչ մի օտարերկրյա արտադրության կործանիչ կամ ռազմական տեխնիկա չի տեղակայվել և նման հաղորդումները պարբերաբար հրապարակվում են կործանարար մտադրություններով»: