Էրդողանի ժողովրդականությունն անկում է ապրում
Վերջերս անցկացված սոցհարցման արդյունքները ցույց են տվել, որ Թուրքիայի նախագահի ժողովրդականությունը իջել է, հասնելով 2018 թվականի հոկտեմբերից ի վեր ամենացածր մակարդակին:
Ինչպես հաղորդում է Անատոլու լրատվական գործակալությունը, Մետրոպոլիս հետազոտական կենտրոնի անցկացրած սոցհարցման արդյունքները ցույց են տալիս, որ 2019 թվականի դեկտեմբերից մինչև 2020 թվականի հունվար ամիսը Թուրքիայի նախագահ Ռեջեբ Թայիբ Էրդողանի ժողովրդականությունը 43.7 տոկոսից հասել է 41.9 տոկոսի:
Անկարայի Բիլքենթ համալսարանի միջազգային հարաբերությունների պրոֆեսոր Բըրկ Էսենն ասել է, որ Էրդողանի օգտին քվեարկողների վստահության անկման պատճառը Թուրքիայի տնտեսական վիճակն է և ներքին ու արտաքին ճգնաժամերը:
Վերջին սոցհարցման արդյունքները ցույց են տալիս, որ Թուրքիայի ընտրողների մեծ մասը դժգոհ է Էրդողանի նախագահությունից:
