Հռոմի Պապը կոչ է արել աղոթել սիրիացի ժողովրդի համար
Հռոմի Պապ Ֆրանցիսկոսը Վատիկանում ավանդական կիրակնօրյա պատարագի ժամանակ իր տագնապն ու ցավն է արտահայտել Սիրիայի հյուսիս-արեւմուտքում հումանիտար ճգնաժամի կապակցությամբ, ինչպես նաեւ աջակցության խոսքով դիմել է բոլոր նրանց, ովքեր տառապում են աշխարհում կորոնավիրուսի տարածման հետեւանքով, հաղորդում է ՌԻԱ Նովոստի-ն:
Պապ Ֆրանցիսկոսը հատուկ կերպով է ողջունել հավատացյալներին, որոնք «սոլիդարություն են ցուցաբերում Սիրիայի ժողովրդի եւ, նախ Իդլիբ քաղաքի ու երկրի հյուսիս-արեւմուտքի բնակիչների նկատմամբ, որոնք ստիպված են փախնել պատերազմից»:
«Կրկին արտահայտում եմ իմ մեծ տագնապը եւ ցավն այդ անօգնական մարդկանց անմարդկային իրավիճակի կապակցությամբ, որոնց մեջ կան երեխաներ, որոնց կյանքը վտանգված է: Չի կարելի աչք թեքել այդ հումանիտար ճգնաժամից, սակայն պետք է դասել այն որպես առաջնահերթություն բոլոր այլ շահերի նկատմամբ»,-հայտարարել է հովվապետն ու կոչ արել աղոթել սիրիացիների համար:
Պատարագի ժամանակ Հռոմի Պապը անդրադարձել է նաեւ աշխարհում կորոնավիրուսի համաճարակին:
news.am
