Կանադայի վարչապետը սպառնացել է ԱՄՆ-ին
Կանադայի վարչապետն, ի պատասխան ԱՄՆ նախագահի՝ Կանադա դիմակների և ռեսպիրատորների արտահանումը արգելող որոշման, հայտարարել է, որ Օտտավան կդիմի պատասխան քայլի:
«Ամերիկացիներին անհրաժեշտ է լինելու Օտտավայի բժշկական օգնությունը ՝ կորոնավիրուսի դեմ պայքարելու համար, և այս պահին, կանադացի բժիշկներին անհրաժեշտ դիմակների և անձնական պաշտպանիչ սարքավորումների արտահանման արգելքը սխալ է», - ասել է Կանադայի վարչապետ Ջասթին Թրյուդոն:
Ավելի վաղ, ԱՄՆ նախագահ Դոնալդ Թրամփը, դիմակներ և բժշկական սարքավորումներ արտադրող TMM ընկերությանը հրահագնել էր դադարեցնել իր դիմակների և ռեսպիրատորների արտահանումը Կանադա և Լատինական Ամերիկայի երկրներ:
Ընկերությունն ի պատասխան հայտարարել է, որ այդ որոշումը կհանգեցնի տարբեր երկրների պատասխան քայլերին:
Հարկ է նշել, որ այս պահին, կորոնավիրուսի պանդեմիայի հետևանքով, ամբողջ աշխարհի հիվանդանոցները կանգնած են բժշկական սարքավորումների ու պարագաների խիստ պակասի խնդրի առջև:
