ՄԱԿ-ին հակառասիստական բանաձևի նախագիծ է ներկայացվել
Իրանը, Պաղեստինը և աֆրիկյան մի շարք երկրներ, ՄԱԿ-ի մարդու իրավունքների խորհրդին են ներկայացրել հակառասիստական բանաձևի նախագիծ:
Հունիսի 20-ին ներկայացված նախագիծը կոչ է անում հետաքննություն անցկացնել Միացյալ Նահանգներում և այլ երկրներում առկա համակարգված ռասիզմի վերաբերյալ:
Նախագիծը ներկայացրած երկրները ՄԱԿ-ի ԱԽ-ին կոչ են արել ձևավորել հետազոտող հանձնաժողով՝ ռասիզմի դրսևորումները քննելու նպատակով: Բանաձևի նախատեսքտում ասված է. «Բանաձևի նպատակն է փոխհատուցել ԱՄՆ-ում և ամբողջ աշխարհում ռասայական խտրականության զոհերի կրած վնասները»:
Իրանը, Պաղեստինը և աֆրիկյան մի շարք երկրներ, դատապարտել են ԱՄՆ-ում աֆրոամերիկացիների նկատմամբ կիրառվող ռասայական խտրականությունն ու բռնությունները:
Հարկ է նշել, որ մայիսի 25-ին աֆրոամերիկացի Ջորջ Ֆլոյդի սպանությունից հետո, ԱՄՆ-ում բարձրացել է բողոքի լայնածավալ ալիք: Ոստիկանությունը սակայն, ճնշումէ ցույցերը և բռնություն կիրառում ցուցարարների նկատմամբ:
