Հյուսիսային Կորեա. ԱՄՆ-ի հետ բանակցելու կարիք չկա
Հյուսիսային Կորեան հայտարարել է, որ մտադրություն չունի վերսկսել միջուկային բանակցությունները ԱՄՆ-ի հետ:
Հյուսիսային Կորեայի արտաքին գործերի նախարարի առաջին տեղակալ Չոու Սոն-Հոին ասել է, որ քանի դեռ Վաշինգտոնը չի հրաժարվել Փհենյանի նկատմամբ իր թշնամական քաղաքականությունից, այդ երկիրը պատրաստ չէ միջուկային հարցի շուրջ բանակցել ԱՄՆ-ի հետ:
Նա հավելել է, որ Հյուսիսային Կորեան հստակ ծրագիր է մշակել ԱՄՆ-ի սպառնալիքնեին դիմակայելու համար:
Միացյալ Նահանգների ազգային անվտանգության նախկին խորհրդական Ջոն Բոլթոնը հայտարարել էր, որ հնարավոր է, նախագահական ընտրություններից առաջ Թրամփը հանդիպում ունենա Հյուսիսային Կորեայի առաջնորդ Կիմ Չեն Ընի հետ:
2018-ի հունիսից ի վեր Հյուսիսային Կորեայի առաջնորդ Կիմ Չեն Ընը և ԱՄՆ նախագահ Դոնալդ Թրամփը երեք անգամ հանդիպել են:
Հյուսիսային Կորեան հայտարարել է, որ ԱՄՆ-ի ընչաքաղցության և ստանձնած պարտավորությունների նկատմամբ անհավատարմության պատճառով, պատճառով երկկողմ բանակցությունները ձախողել են:
