Ղրղզստանի խորհրդարանը Սադիր Ժապարովին հաստատել է վարչապետի պաշտոնում
Ղրղզստանի խորհրդարանն այսօր կայացած արտահերթ նիստում հաստատել է Սադիր Ժապարովի թեկնածությունը երկրի վարչապետի պաշտոնում:
Ղրղզստանի խորհրդարանի կողմից Ժապարովի թեկնածությունը վարչապետի պաշտոնում հաստատվելուց հետո, այդ երկրի նախագահ Սոորոնբայ Ժեենբեկովը երեք օր ժամանակ ունի՝ ստորագրելու Ժապարովի՝ վարչապետի պաշտոնում նշանակվելու հրամանագիրը:
Հոկտեմբերի 10-ին Ղրղզստանի խորհրդարանը արտահերթ նիստում Սադիր Ժապարովին ընտրեց վարչապետի պաշտոնում, սակայն որոշ օրենսդիրներ նրա նշանակումը անօրինական համարեցին քվորում չլինելու պատճառով:
Անցած շաբաթ Ղրղզստանի նոր վարչապետն բանտից ազատ արձակվեց այն բանից հետո, երբ ցուցարարները գրավել էին կառավարության պալատը:
2017 թ.-ին Սադիր Ժապարովը դատապարտվել էր 11.5 տարվա ազատազրկման ՝ հանրահավաք կազմակերպելու և Իսսիկ-Կուլի նահանգապետին պատանդ վերցնելու համար: