ԱՄՆ նախագահն արձագանքլ է իր թվիթերյան հաշվի կասեցմանը
ԱՄՆ նախագահ Դոնալդ Թրամփը, Թվիթերի իր հաշիվը փակվելուց հետո հայտարարել է. «Ես չեմ լռելու, և մտածում եմ առաջիկայում ստեղծել ժողովրդի հետ շփվելու նոր կայք»:
Թրամփը հավելել է, որ Թվիթերն ավելի ու ավելի է խորացել խոսքի ազատության արգելքի հարցում, իսկ ընկերության աշխատակիցները, դեմոկրատների և ձախերի հետ համակարգված ձևով, քայլեր են ձեռնարկել իրեն լռեցնելու համար:
Թվթիերը հայտարարել է, որ կասեցրել է նաև Դոնալդ Թրամփի մերձավոր գործընկերների, այդ թվում ՝ Ազգային անվտանգության նախկին խորհրդական գեներալ Մայքլ Ֆլինի և նախընտրական շտաբի փաստաբան Սիդնեյ Փաուելի հաշիվները ՝ Թրամփի կողմնակիցներին բռնությունների դրդելու նպատակով իրենց հաշիվների օգտագործումը կանխելու համար:
Նախագահի թվիթերյան հաշիվն ուներ ավելի քան 88 միլիոն հետեւորդ: Ավելի վաղ, Թվիթերը նշում էր Թրամփի այն հաղորդագրությունները, որոնց ճշմարտացիությունը հստակ չէր:
Որոշ ժամանակ առաջ, Ֆեյսբուք և Ինստագրամ ընկերությունները նույնպես ընդմիշտ փակել են Թրամփի օգտահաշիվները: