Բայդենի երդմնակալության արարողությունն ամենատարբերվողն էր այդ երկրի պատմության մեջ
Սպառնալիքների, հակասությունների և տեղի ունեցած մի շարք իրադարձությունների պատճառով, ԱՄՆ նորընտիր նախագահ Ջո Բայդենի երդմնակալության արարողությունն ամենատարբերվողն էր այդ երկրի պատմության մեջ:
Հարկ է նշել, որ երդմնակալության արարողությունը տեղի ունեցավ այնպիսի պայմաններում, երբ այդ երկիրն աշխարհում առաջին տեղում է՝ կորոնավիրուսային հիվանդությամբ վարակվածների և մահացության ցուցանիշներով:
Բայդենի երդմնակալության արարողության ժամանակ, Կոնգրեսի դիմաց ծածանվել է 200 հազար դրոշ, այն մարդկանց անունից, ովքեր կորոնավիրուսի պանդեմիայի պատճառով, չեն կարողացել մասնակցել արարողությանը: Սակայն այս որոշման հիմնական պատճառն այնուամենայնիվ, եղել է Կոնգրեսի վրա Թրամփի կողմնակիցների հավանական հարձակման վախը և անվտանգության հատուկ միջոցառումները:
Արարողությունն անցկացվել է անվտանգության խստագույն միջոցառումների պայմաններում: Ազգային գվարդիայի մեծ թվով զինծառայողների ներկայությունը նույնպես այս արարողության տարբերվող լինելու պատճառներից էր: Ներքին անվտանգության աղբյուրներն ավելի վաղ հայտարարել էին, որ Թրամփի կողմնակիցները դիվերսիոն հարձակումներ են պլանավորել հունվարի 20-ին: Բացի Վաշինգտոնից, ԱՄՆ-ի բոլոր նահանգների տեղական Կոնգրեսի շենքերը նույնպես գտնվում են խիստ վերահսկողության տակ՝ Թրամփի կողմնակիցների հարձակման վախից:
Բայդենի երդմնակալության արարողության տարբերվող լինելու մյուս պատճառն այդ արարողությանը Դոնալդ Թրամփի բացակայությունն էր: