Ռյաբկով. ՀԳՀԾ-ն փոխարինող տարբերակ չի կարող ունենալ
ՌԴ փոխարտգործնախարարն ընդգծել է, որ ՀԳՀԾ-ն փոխարինող տարբերակ չի կարող ունենալ:
ՀԳՀԾ-ի համատեղ հանձնաժողովի առցանց նիստում Մոսկվան ներկայացնող ՌԴ փոխարտգործնախարար Սերգեյ Ռյաբկովը հայտարարել է,որ ռուսական կողմը ՀԳՀԾ-ի բոլոր անդամ երկրներին հորդորում է ամեն ջանք գործադրել հնարավորինս շուտ վերադառնալու միջուկային գործարքում նշված նախնական շրջանակին:
ՌԴ ԱԳ նախարարությունը ևս հրապարակել է հաղորդագրություն, որում ՀԳՀԾ-ի բոլոր կողմերին կոչ է արել ջանքեր գործադրել միջուկային գործարքը նախկին վիճակին վերադարձնելու և այն լիարժեք կատարելու ուղղությամբ:
Վիեննայում տեղակայված միջազգային կազմակերպություններում ՌԴ մշտական ներկայացուցիչ Միխայիլ Ուլյանովը ՏԱՍՍ լրատվական գործակալությանը տված հարցազրույցում հայտարարել է.«ՀԳՀԾ-ի համատեղ հանձնաժողովի նիստն ապրիլի 6-ին կայանալու է Ավստրիայի մայրաքաղաք Վիեննայում, երկու աշխատանքային խմբերի պարտականությունները որոշելու և ՀԳՀԾ-ի լիարժեք իրագործումն սկսելու հետ կապված հարցերի շուրջ բանակցելու նպատակով»:
Ուլյանովը նաև ասել է.«Քանի որ ԱՄՆ-ն դեռ չի վերադարձել ՀԳՀԾ, չի մասնակցելու Վիեննայում կայանալիք նիստին»:
