Թուրքիայի Սուրբ Սոֆիա մզկիթում անիծել են Աթաթուրքին

Թուրքիայի Սուրբ Սոֆիա մզկիթի հոգևոր առաջնորդն անեծք է հղել Աթաթուրքին, ինչն արժանացել է բազմաթիվ արձագանքների:

Մզկիթը բացելու միջոցառման ժամանակ, Թուրքիայի նախագահ  Ռեջեբ Թայիբ Էրդողանի ներկայությամբ, Սուրբ Սոֆիա մզկիթի հոգևոր առաջնորդն ասել է.«Ով Աստված, մի թող, որ Աթաթուրքի դաժան մտածելակերպը հերթական անգամ իշխի մեր ազգին»:

Այս խոսքերը, Ղուրանի ընթերցման և մզկիթի բացման արարողության հետ միաժամանակ, հակազդեցությունների մեծ  ալիք են առաջացրել հատկապես թուրք ազգայնականների և կուսակցությունների առաջնորդների շրջանում:

Ավելի վաղ, Սուրբ Սոֆիայի օգտագործումը թանգարանից մզկիթի փոխելու միջոցառման ժամանակ, կրոնական կազմակերպության ղեկավար՝ Ալի Արբաշն արտահայտվել էր Աթաթուրքի դեմ՝ զայրացնելով թուրք ազգայնականներին: