Ադրբեջանը պատրաստվում է ճանաչե՞լ օկուպացված Հյուսիսային Կիպրոսը՝ Թուրքիայից հետո

«Դիվանագիտական աղբյուրները քննարկում են օկուպացված Հյուսիսային Կիպրոսի կեղծ պետությունը Ադրբեջանի կողմից ճանաչելու հավանականությունը՝ հաշվի առնելով Ռեջեփ Թայիփ Էրդողանի՝ օկուպացված տարածքներ այցը հուլիսի 20-ին»,-այս մասին գրում է Greek City Times-ը:

Նշվում է, որ այս լուրերն ի հայտ եկան այն բանից հետո, երբ հայտարարվեց Ադրբեջանի խորհրդարանական պատվիրակության՝ իր պատմության մեջ առաջին անգամ այսօր օկուպացված Հյուսիսային Կիպրոս այցի մասին:

Ադրբեջանի կառավարությանը մոտ կանգնած դիվանագիտական աղբյուրները նշում են, որ նախագահ Իլհամ Ալիևը իր քարտերը մոտ է պահում իրեն, բայց գնահատում են, որ այսպես կոչված «Հյուսիսային Կիպրոսի Թուրքական Հանրապետության» ճանաչումը տեղի կունենա աստիճանաբար, եթե այսօր չհայտարարվի:

Հիշեցնենք, որ Թուրքիան միակ երկիրն է, որը ճանաչել է այսպես կոչված «Հյուսիսային Կիպրոսի Թուրքական Հանրապետությունը»:

«Օկուպացված տարածքներում ներկայությունը հարաբերությունների արդիականացում է, բայց դա չի նշանակում անհապաղ ճանաչում», - շեշտում են նրանք:

Նույն աղբյուրների համաձայն, կա երկու հավանական պատճառ, թե ինչու ինչ-որ պահի Ադրբեջանը կարող է նման քայլ կատարել:

«Մի կողմից, Թուրքիան՝ «Ադրբեջանի եղբայրական պետությունն էականորեն օգնել է ադրբեջանցիներին» նախորդ տարի գրավելու Լեռնային Ղարաբաղի պատերազմում իրենց հավակնած տարածքները:

Մյուս կողմից, Ադրբեջանի ղեկավարությունը դեռ վրդովված է, քանի որ միջազգային դիվանագետների մեծամասնությունը աջակցել է Հայաստանին ադրբեջանցիների հետ հակամարտությունում:

Դիվանագետները գնահատում են, որ նման քայլը ցնցելու է Արևմտյան աշխարհի ջրերը, և, քանի որ Արևմուտքը Հայաստանին աջակցում է, դա կարող է լինել վրեժխնդրություն»,-գրում է կայքը:

Նշենք, որ ՄԱԿ-ը, միջազգային կառույցները հանդես են գալիս Կիպրոսի հարցի կոնֆեդերացիայի միջոցով լուծման օգտին, իսկ Թուրքիայի նախագահ Էրդողանը պնդում է հարցի կարգավորումը՝ երկու պետություն ստեղծելու միջոցով։ 

Էրդողանը հուլիսի 20-ին պատրաստվում է այցելել Կիպրոսի հյուսիսային հատված՝ այն համարելով կիպրոսցի թուրքերի համար որպես «Խաղաղության և ազատության օր», երբ 1974-ի նույն օրը թուրքերը նեխուժեցին Կիպրոս։ Էրդողանը հայտարարել է, որ հուլիսի 20-ին կարևոր հայտարարություն է անելու։

Աղբյուր` Panorama.am