Հրապարակվել է Ֆրանսիայի եկեղեցիներում երեխաների նկատմամբ սեռական բռնության հարյուրավոր դեպքերի մասին ցնցող զեկույց
Ֆրանսիայում հրապարակվել է ցնցող զեկույց, որն անվանել են վերջին հինգ հարյուր տարիների ընթացքում եկեղեցական ամենամեծ ճգնաժամը: Այն վերաբերում է Ֆրանսիայի եկեղեցիներում հոգևորականների կողմից հազարավոր երեխաների նկատմամբ իրականացված սեռական բռնության դեպքերին:
Նոր հրապարակված հետազոտությունը ցույց է տալիս, որ 1950 -ական թվականներից Ֆրանսիական կաթոլիկ եկեղեցում ծառայում են քահանաներ, որոնք սեռական բռնություն են գործադրել հազարավոր երեխաների նկատմամբ:
Հանձնաժողովի ղեկավար Ժան Մարկ Սավուան հայտարարել է, որ ուսումնասիրության արդյունքում հայտնաբերվել է քահանաների կողմից երեխաների նկատմամբ սեռական բռնություն գործադրելու 2900-ից 3200 դեպքերի ապացույց, ինչը նվազագույն թիվն է:
Հանձնաժողովը նախատեսում է երեքշաբթի օրը մանրամասն զեկույց հրապարակել՝ հիմնված եկեղեցու, դատարանի, ոստիկանության ներկայացուցիչների և զոհերի հետ արխիվային հարցազրույցների վրա:
Մի քանի երկրենրում բարձրացած սկանդալից հետո, Ֆրանսիական կաթոլիկ եկեղեցին 2018 թվականին անկախ հետաքննություն սկսեց այս ուղղությամբ:
