Անկարգություններ Բրյուսելի փողոցներում

Բելգիայի մայրաքաղաք Բրյուսելում կիրակի օրը բախումներ են տեղի ունեցել կորոնավիրուսային սահմանափակումների դեմ ցուցարարների և ոստիկանության միջև:

Fars News գործակալության փոխանցմամբ՝ մոտ 35 հազար բելգիացիներ դուրս են եկել Բրյուսելի փողոցներ՝ բողոքելու  կառավարության սահմանած կորոնավիրուսային սահմանափակումների դեմ։

Ոստիկանության միջամտությունից հետո, ցուցարարների ու ոստիկանների միջև բախումներ են տեղի ունեցել:

Բելգիական աղբյուրների համաձայն՝ ոստիկանությունն արցունքաբեր գազ ու ջրցան մեքենաներ է կիրառել ցուցարարների դեմ:

Ցուցարարները  վառվող  նյութեր են նետել ոստիկանների վրա։

Բելգիայի կառավարությունը վերջերս վերսկսել է սահմանափակումները՝ երկրում կորոնավիրուսի տարածումը կանխելու համար։

Կորոնավիրուսից մահացության դեպքերը եվրոպական շատ երկրներում վերջին օրերին կտրուկ աճել են։