Կուբան եւ ԱՄՆ-ը պայմանագիր են ստորագրել հեռահաղորդակցումների բնագավառում
Կուբայի «Էտեքսա» պետական հեռահաղորդակցական ձեռնարկությունը եւ ԱՄՆ-ի T-Mobile USA ընկերությունն համաձայնագիր են ստորագրել ուղիղ հեռախոսային կապի եւ ռոումինգի հաստատման վերաբերյալ երկու երկրների միջեւ հարաբերությունների նորմալացման գործընթացի շրջանակներում:
Այս մասին, ինչպես տեղեկացնում Է «Արմենպրես»-ը, ասված Է մայիսի 9-ին Հավանայում Կուբայի ձեռնարկության տարածած հաղորդագրության մեջ:
Համաձայնագիրը ներառում Է ձայնային ռոումինգի, տվյալների ռոումինգի եւ T-Mobile USA-ի՝ Կուբա այցելող սպասարկյալների համար տեքստային հաղորդագրությունների ծառայություն:
Ընկերության սպասարկյալները կկարողանան կղզու տարածքում իրենց շարժական հեռախոսներից օգտվել այն բանից անմիջապես հետո, երբ ավարտվի տեխնոլոգիաների ներդրման եւ տեխնիկական փորձարկումների շրջանը, որոնք իրականացնում են երկու երկրների գործարկուները, հաղորդել Է ՏԱՍՍ-ը:
