Թուրքիայում Էրդողանին վիրավորելու գործով դատական ստուգում է անցկացվում 6 անձի նկատմամբ
Թուրքիայում նախագահ Ռեջեփ Էրդողանին վիրավորելու գործով դատական ստուգում է անցկացվում 6 անձի նկատմամբ։
Վերջիններս սոցցանցերում վիրավորական եւ սադրիչ արտահայտություններ են արել Էրդողանի հասցեին այն բանից հետո, երբ հայտարարվել է, որ նա վարակվել է կորոնավիրուսի օմիկրոն շտամով։
Yeni Şafak թերթի հաղորդմամբ՝ 26 մարդ ազատ է արձակվել տվյալ գործի շրջանակում։
Այժմ երկրում գործում է նախագահին վիրավորելու մասին օրենք, որի համաձայն՝ անձը կարող է քրեական պատասխանատվության ենթարկվել, եւ որի համար կարող է 1-4 տարի ժամկետով ազատազրկում սպառնալ։
Ավելի վաղ Էրդողանն ասել էր, որ ինքն ու իր կինը վարակվել են կորոնավիրուսի օմիկրոն շտամով։ Կիրակի օրը նախագահը նշել է, որ շարունակում է հեռավար աշխատել, քանի որ բժիշկները հաստատել են, որ նրա մոտ հիվանդությունը թեթեւ է ընթանում։ Նույն օրը Էրդողանին Կիեւ այցի ժամանակ ուղեկցող պաշտպանության նախարար Հուլուսի Աքարը հայտնել է, որ ինքը եւս վարակվել է կորոնավիրուսով։
