Էրդողանը կրկին խոստումներ է տվել երկրի տնտեսական վիճակը բարելավելու վերաբերյալ

Էրդողանը հերթական անգամ խոստացել է Թուրքիան ազատել տոկոսադրույքների, արտարժույթի ու գնաճի հետ կապված խնդիրներից։

«Թուրքիան կազատվի տոկոսադրույքների, արժույթի և գնաճի հետ կապված խնդիրներից, ինչպես նաև այլ խնդիրներից»,- չորեքշաբթի  օրն ասել է Ռեջեբ Թայիբ Էրդողանը։

Թուրքիայի նախագահը հայտարարել  է, որ տոկոսադրույքների հետ կապված խնդիրները զգալիորեն կրճատվել են, և որ փոխարժեքը կայունանում է։

Այս հայտարարությունները հնչում են այն դեպքում, երբ Թուրքիայի տարբեր քաղաքներում բողոքի ցույցեր են ընթանում գների աճի դեմ, իսկ գնաճը դարձել է երկրի ԶԼՄ-ների գլխավոր թեման:

Թուրքիայի քաղաքացիները մի քանի օր առաջ բողոքի ցույց են  անցկացրել էլեկտրաէներգիայի թանկացման դեմ և վանկարկել «Էրդողան հրաժարական տուր»։