Հնդկաստանը փորձում է ավելի շատ նավթ գնել Ռուսաստանից
Քանի որ համաշխարհային շուկաներում Ռուսաստանի նավթի ներմուծումը նվազել է՝ այդ երկրի նավթի նկատմամբ սահմանված էմբարգոյի պատճառով, Հնդկաստանը հայտարարել է Ռուսաստանից նավթի ներմուծումն ավելացնելու մասին:
Միջազգային էներգետիկ գործակալությունը հինգշաբթի օրը հայտարարել է, որ երեք միլիոն բարել ռուսական նավթ և նավթամթերք սույն թվականի ապրիլից կարող է մուտք չգործել շուկա։
Երկրի նավթային էմբարգոյի պատճառով համաշխարհային շուկաներ ռուսական նավթի ներմուծման կրճատման մասին լուրերի շրջանառության հետ միաժամանակ հնդկական աղբյուրները հայտնել են, որ Հնդկաստանը կարող է 2022 թվականին Ռուսաստանից ներկրել մոտ 15 միլիոն բարել հում նավթ։
Հաղորդումների համաձայն՝ Հնդկաստանը կարող է Ռուսաստանից ներկրվող նավթի դիմաց վճարել ռուփիով կամ ռուբլով։
Ջո Բայդենի կառավարությունը նախորդ շաբաթ հրաման է արձակել՝ ռուսական նավթի ներկրումն արգելելու մասին:
Միջազգային էներգետիկ գործակալությունը կանխատեսում է, որ 2022 թվականի երկրորդից չորրորդ եռամսյակների ընթացքпւմ օրական նավթի համաշխարհային պահանջարկը կնվազի մեկ միլիոն 300 հազար բարելով, և ակնկալվում է,որ ապրանքների գների աճը և Ռուսաստանի դեմ սահմանված պատժամիջոցները կհանգեցնեն համաշխարհային տնտեսական աճի նվազմանը:
