Բրիտանացիները մի գիշերում աղքատացել են էներգետիկ ճգնաժամի պատճառով. Bloomberg
Bloomberg-ը հոդված է հրապարակել «մեկ գիշերում միլիոնավոր բրիտանացիների աղքատացման» մասին, որտեղ նկարագրված է երկրում ճգնաժամի սկիզբը։
Տուն տաքացնելը, լոգանք ընդունելը կամ ընթրիք պատրաստելը. այս ամենի արժեքը ուրբաթ Մեծ Բրիտանիայի միլիոնավոր բնակիչների համար նոր բարձունքների է հասել, այն բանից հետո, երբ էլեկտրաէներգիայի գները ռեկորդ են սահմանել, ասվում է հոդվածում:
Գործակալության տվյալներով՝ եղանակը վատացնում է իրավիճակը։ Այսպիսով, կանխատեսումների հիման վրա մոտ ապագայում շատ բրիտանացիներ ընտրության առաջ կկանգնեն ընտանեկան բյուջեն խնայելու և տաք սենյակում ապրելու միջև։
Նշվում է նաև, որ երկրի աշխատող քաղաքացիները շուտով կարող են պարզել, որ իրենց աշխատավարձերը «մի փոքր նվազել են», իսկ էլեկտրաէներգիայի միջին տարեկան վճարը, ընդհակառակը, կաճի մինչև 693 ֆունտ ստեռլինգով:
«Ուրբաթ օրվանից շատ բաժանորդներ կարող են տեսնել գազի 81 տոկոսով թանկացում, իսկ էլեկտրաէներգիայի՝ 36 տոկոսով թանկացում»,- նշված է հոդվածում։
tert.am
