Երկու Կորեաների ղեկավարները փորձում են բարելավել երկկողմ հարաբերությունները
Հյուսիսային Կորեայի և Հարավային Կորեայի առաջնորդները միմյանց ուղղված նամակում փորձում են բարելավել հարաբերությունները երկու երկրների միջև։
Հյուսիսային Կորեայի պետական լրատվամիջոցները ուրբաթ օրը հաղորդել են, որ առաջնորդ Կիմ Չեն Ընը, չորեքշաբթի օրը անձնական նամակ է ստացել Հարավային Կորեայի նախագահ Մուն Չժե Ինից (որի նախագահության ժամկետը մոտենում է ավարտին) և պատասխանել դրան: Հինգշաբթի օրը նա գովաբանել է Մունի խաղաղ ջանքերը՝ իր պաշտոնավարման ընթացքում:
Երկու հարևան և մրցակից երկրների ղեկավարները հույս են հայտնել, որ երկկողմ հարաբերությունները, որոնք վատթարացել են վերջին երեք տարիներին, կբարելավվեն։
Նամակների բովանդակության մասին մանրամասներ չեն հրապարակվել։
Հյուսիսային և Հարավային Կորեաների առաջնորդները փորձում են բարելավել և ընդլայնել հարաբերությունները, մինչդեռ ԱՄՆ-ն փորձում է կանխել դա՝ տարածաշրջանում ներկայություն ունենալով և միջամտելով Սեուլի ներքին գործերին:
