Հունաստանի ափերին բռնագրավվել է Իրանի դրոշով լողացող նավի բեռը
Արձագանքելով Հունաստանի կողմից Իրանի բեռնատար նավի բեռի բռնագրավմանն ԻԻՀ նավահանգիստների և ծովային կազմակերպությունը հայտարարել է. «Հունաստանի կառավարությունը պետք է անհապաղ կատարի իր միջազգային պարտավորությունները»:
Հայտարարության մեջ ասված է. «Հունաստանի ափերի մոտ կանգնեցվել է Իրանի դրոշով լողացող նավը և դատարանի որոշմամբ ու ԱՄՆ-ի հետ համակարգմամբ, դրա բեռն առգրավվել է այն պայմաններում, երբ նավը Հունաստանի ափերին է մոտեցել անձնակազմի ու նավի անվտանգությունն ապահովելու նպատակով: Սակայն նավի անձնակազմին ոչ միայն որևէ տեսակի օգնություն չի ցուցաբերվել, այլ այն բեռնաթափվել է, ինչը ծովահենության վառ օրինակ է»:
Իրանի նավահանգիստների և ծովային կազմակերպության հայտարարության մեջ ասված է. «Թեև Հունաստանի կառավարությունն ընդունել է միջազգային պարտավորություններ և որպես Միջազգային ծովային կազմակերպության (IMO) անդամ, պարտավորություն ունի Իրանի Իսլամական Հանրապետության կառավարության նկատմամբ, դիմել է նման քայլի, չնայած պետք է նավը տեղափոխեր անվտանգ վայր»:
