Եվրոպան նահանջել է ռուսական նավթի վրա էմբարգո սահմանելու որոշման հարցում
Չնայած ԵՄ-ի կողմից ռուսական նավթի վրա էմբարգո սահմանելուց անցել է ավելի քիչ քան մեկ ամիս, սակայն այս մայրցամաքն ավելացրել է Ռուսաստանից նավթի գնումները, հաղորդում է Bloomberg-ը:
Եվրամիությունը հունիսի սկզբին հաստատեց ռուսական նավթի մի մասի ներմուծման վրա էմբարգո սահմանելու որոշումը, և պարտավորվեց մինչև հաջորդ տարի դադարեցնել նավթի ներկրման 90 տոկոսը։
Արգելքը վերաբերում է ծովով ներկրվող ամբողջ նավթին, և բացառություններ են սահմանվել նավթամուղով նավթի ներմուծման համար:
Հղում անելով լցանավերի հետախուզման բազաների վիճակագրությանը, Bloomberg-ը շաբաթ օրը հաղորդել է.«Եվրոպա մայրցամաքի նավթավերամշակման գործարաններն անցյալ շաբաթ օրական 1,84 մլն բարել ռուսական նավթ են գնել, ինչը երրորդ անընդմեջ շաբաթական ավելացումն է և ամենաբարձր մակարդակը,որը Եվրոպան, ներառյալ Թուրքիան, մոտ երկու ամսվա ընթացքում ստացել է Ռուսաստանից»:,
Արդյունահանման այս աճը պայմանավորված է ռուսական «ԼՈՒԿՕՅԼ» ընկերության մատակարարումները Ռուսաստանի սահմաններից դուրս իրականացնող Litasco ընկերության կողմից նավթը Իտալիայի, Ռումինիայի և Բուլղարիայի նավթավերամշակման գործարաններ տեղափոխմամբ, ինչպես նաև Թուրքիայի գնմամբ:
