Մադրիդում տեղի է ունեցել Էրդողանի և Բայդենի հանդիպումը
Մադրիդում ՆԱՏՕ-ի անդամ երկրների ղեկավարների գագաթնաժողովի շրջանակներում կայացել է ԱՄՆ նախագահ Ջո Բայդենի և Թուրքիայի նախագահ Ռեջեփ Թայիփ Էրդողանի հանդիպումը, այս մասին, ինչպես հաղորդում է «Արմենպրես»-ը, հայտնում է թուրքական «Անադոլու» լրատվական գործակալությունը:
Էրդողանը հանդիպման ժամանակ նշել է, որ ՆԱՏՕ-ի ամրապնդմանն ուղղված քայլերը հատուկ ներդրում կունենան Ռուսաստանի և Ուկրաինայի միջև հակամարտության կարգավորման գործընթացում։
Էրդողանը նաեւ նշել է, որ Թուրքիան աշխատում է հավասարակշռված քաղաքականության միջոցով լուծել «հացահատիկային միջանցքի» խնդիրը եւ հույս է հայտնել, որ Անկարայի ջանքերն այս ուղղությամբ դրական արդյունքներ կբերեն։
Ջո Բայդենն իր հերթին շնորհակալություն է հայտնել Թուրքիայի նախագահին ուկրաինական հացահատիկի արտահանումն ապահովելու ջանքերի, ինչպես նաև Շվեդիայի և Ֆինլանդիայի՝ ՆԱՏՕ-ին անդամակցելու դիմումներին աջակցելու որոշման համար։
