Չինացի պաշտոնյա. ԱՄՆ-ն Կորեական թերակղզում իրավիճակի վատթարացման պատճառն է
ՄԱԿ-ում Չինաստանի մշտական ներկայացուցչի տեղակալը հայտարարել է, որ Կորեական թերակղզում իրավիճակի վատթարացման գլխավոր պատճառն ԱՄՆ-ն է:
Չինական «Global Times» լրատվական կայքի ուրբաթ օրվա հաղորդման համաձայն՝ ՄԱԿ-ում Չինաստանի մշտական ներկայացուցչի տեղակալ Գուանգ Շուանգը քննադատելով Ասիա-խաղաղօվկիանոսյան տարածաշրջանում ԱՄՆ-ի ռազմական դաշինքի ամրապնդումն ասել է.«Կորեական թերակղզու խնդրի միակ լուծումը երկխոսությունն է»:
Գուանգ Շուանգը ամերիկյան կողմից պահանջել է ապացուցել իր բարյացակամությունը և ուշադրություն դարձնել Հյուսիսային Կորեայի տրամաբանական ու օրինական մտահոգություններին, որպեսզի պայմաններ ստեղծվեն երկխոսության վերսկսման համար։
Չինացի պաշտոնյան նաև ընդգծել է,ՄԱԿ-ի Անվտանգության խորհուրդը նույնպես պետք է կառուցողական դեր խաղա Կորեական թերակղզու հարցում և կուրորեն ուժ և ճնշում չգործադրի Փհենյանի դեմ։