Քերին Վրաստանը համարել է տարածաշրջանում ժողովրդավարական առաջընթացի օրինակ

ԱՄՆ պետքարտուղար Ջոն Քերին հայտարարել է Վրաստանի տարածքային ամբողջականությանն ամերիկյան իշխանությունների անվերապահ աջակցության մասին՝ ասվում է Պետդեպի կայքում։

«ԱՄՆ-ն անվերապահորեն աջակցում է Վրաստանի ինքնիշխանությանն ու տարածքային ամբողջականությանը միջազգայնորեն ճանաչված սահմաններում, ինչպես նաև եվրաատլանտյան կառույցներում ինտեգրվելու նրա ձգտմանը»,- ասել է նա։

Քերին նշել է, որ ամերիկյան ղեկավարությունը «դիտում է Վրաստանը որպես տարածաշրջանում ժողովրդավարական առաջընթացի օրինակ»։