Ուկրաինական ճգնաժամը «պարզապես մկանների տաքացում է». ամերիկացի ծովակալ
Ուկրաինական ճգնաժամը «ուղղակի մկանների տաքացում է», ասել է ԱՄՆ ռազմավարական հրամանատարության ղեկավար, ծովակալ Չարլզ Ռիչարդը:
Նա զգուշացրել է, որ ուկրաինական պատերազմը ամենամեծ հակամարտությունը չէ, որին կբախվի ԱՄՆ-ը. այն պետք է պատրաստ լինի Չինաստանի մասնակցությամբ գլոբալ հակամարտությանը։
«Այս ուկրաինական ճգնաժամը, որում մենք գտնվում ենք հիմա, պարզապես մկանների տաքացում է: Մեծ ճգնաժամն առջեւմ է գալիս: Եվ երկար ժամանակ չի անցնի, երբ մենք փորձարկման կենթարկվենք այնպիսի եղանակներով, որոնք վաղուց չեն փորձարկվել: Մենք պետք է որոշ արագ, հիմնարար փոփոխություններ կատարենք այս ազգի պաշտպանությանը մեր մոտեցումներում»,- ասել է Ռիչարդը՝ 2022 թվականի ռազմածովային սուզանավերի լիգայի ամենամյա սիմպոզիումի ժամանակ կայացած իր ելույթի ընթացքում՝ նշելով, որ ներկայիս իրավիճակը վառ կերպով ցույց է տալիս, թե ինչպիսին է միջուկային պարտադրանքը:
«Չինաստանի դեմ ԱՄՆ զինված ուժերի «զսպման մակարդակը» «դանդաղ իջնում է», քանի որ չինացիները կարողացել են ավելի արագ տեմպերով ավելի շատ «դաշտային կարողություններ» ստեղծել, քան իրենց ամերիկացի գործընկերները», - ասել է նա:
«Քանի դեռ այս ոլորանները շարունակվում են, կարեւոր չէ, թե որքան լավն է մեր ծրագիրը կամ որքան լավն են մեր հրամանատարները, դա չի բավականացնի: Եվ դա շատ անմիջական խնդիր է», - նշել է Ռիչարդը՝ հավելելով, որ ԱՄՆ սուզանավերը մնում են «միակ իրական ասիմետրիկ առավելությունը, որը երկիրը դեռեւս ունենք մեր հակառակորդների նկատմամբ:
news.am
