Ճապոնիայում բացվել Է «Մեծ յոթնյակի» գագաթնաժողովը
Մեկնարկել Է «Մեծ յոթնյակի» հերթական տարեկան գագաթնաժողովը, որն այս անգամ անցկացվում Է Ճապոնիայի Միե պրեֆեկտուրայի Իսե Սիմա շրջանում (Տոկիոյից մոտավորապես 300 կիլոմետր հարավ-արեւմուտք):
Ինչպես տեղեկացնում Է «Արմենպրես»-ը, Ճապոնիայի վարչապետ Սինձո Աբեի նախագահությամբ ընթացող գագաթնաժողովին մասնակցում են ԱՄՆ-ի նախագահ Բարաք Օբաման, Ֆրանսիայի նախագահ Ֆրանսուա Օլանդը, Գերմանիայի կանցլեր Անգելա Մերկելը, Մեծ Բրիտանիայի վարչապետ Դեւիդ Քեմերոնը, Իտալիայի վարչապետ Մատեո Ռենցին եւ Կանադայի վարչապետ Ջասթին Թրյուդոն: Սպասվում Է, որ Ճապոնիա կժամանեն նաեւ Եվրախորհրդի նախագահ Դոնալդ Տուսկը եւ Եվրահանձնաժողովի նախագահ Ժան Կլոդ Յունկերը:
Գագաթնաժողովին որպես հյուրեր հրավիրված են Վիետնամի վարչապետը, Լաոսի վարչապետը, Ինդոնեզիայի նախագահը, Շրի Լանկայի նախագահը, Բանգլադեշի վարչապետը եւ ուրիշներ:
Աբեն գագաթնաժողովից առաջ հայտարարել Է, որ բանավեճերի հիմնական թեման կդառնան համաշխարհային տնտեսության խնդիրները եւ շարունակական զարգացման հասնելուն ուղղված ջանքերը, հաղորդել Է ՌԻԱ Նովոստին:
