Ռուսաստան. Աֆղանստանում անտեսվում են ԱՄՆ-ի և ՆԱՏՕ-ի ռազմական հանցագործությունները
ՄԱԿ-ում Ռուսաստանի դեսպանն ու մշտական ներկայացուցիչը Անվտանգության խորհրդի նիստում հայտարարել է, որ ԱՄՆ-ի և Հյուսիսատլանտյան դաշինքի (ՆԱՏՕ) ռազմական հանցագործությունները Աֆղանստանում անտեսվել են։
ՄԱԿ-ում Ռուսաստանի դեսպան և մշտական ներկայացուցիչ՝ Վասիլի Նեբենզիան երեկ՝ տեղական ժամանակով երեքշաբթի, Անվտանգության խորհրդի նիստում անդրադառնալով Աֆղանստանում ԱՄՆ-ի և ՆԱՏՕ-ի ռազմական հանցագործությունների անտեսմանը, մեղադրել է արևմտյան երկրներին Աֆղանստանում իրական զարգացման նախագծերով հետաքրքրված չլինելու մեջ։
Վասիլի Նեբենզիան պահանջել է ազատել Աֆղանստանի սառեցված ակտիվները։
ԱՄՆ-ը թալիբների իշխանության գալու պատրվակով բռնագրավել է Աֆղանստանի Կենտրոնական բանկի տասը միլիարդ դոլարի ակտիվները։ Ավելի ուշ Վաշինգտոնը հայտարարեց, որ այս գումարից երեք միլիարդ դոլար կբռնագանձի ի շահ սեպտեմբերի 11-ի միջադեպից տուժածների, իսկ ավելի ուշ որոշեց 3,5 միլիարդ դոլարի աֆղանական ակտիվները փոխանցել Շվեյցարիային։
