Վաշինգտոնում կայացած ցույցի մասնակիցները պահանջում են կազմալուծել ՆԱՏՕ-ն
Կիրակի օրը Վաշինգտոնում կայացած ցույցի մասնակից հակապատերազմական ակտիվիստները պահանջել են դադարեցնել զենքի մատակարարումն Ուկրաինային և կազմալուծել ՆԱՏՕ-ն և մասնակցել Ռոսաստանի ու Չինաստանի կողմից բազմաբևեռ աշխարհի ձևավորման ծրագրին:
ԱՄՆ նախկին նախագահ Աբրահամ Լինքոլնի հուշարձանի մոտ հավաքված ցուցարարները երթով շարժվել են դեպի Սպիտակ տուն՝ ներկայացնելու տասը պահանջներից բաղկացած իրենց նամակը:
Ցույցին մասնակցել է մոտ հազար մարդ, այդ թվում՝ մի շարք քաղաքական գործիչներ, լրագրողներ, ակտիվիստներ և Պետդեխպարտամենտի նախկին պաշտոնյաներ։ Կազմակերպիչներից մեկը հայտարարել է, որ մասնակիցների թիվը եղել է մոտ երեք հազար։
Ցույցին մասնակցել են նաև Հանրապետական կուսակցությունից Կենտուկիի նախկին սենատոր Ռոն Փոլը, Դեմոկրատական կուսակցությունից Օհայոյի նախկին սենատոր Դենիս Կուչինիչը և Դեմոկրատական կուսակցությունից Ներկայացուցիչների պալատի նախկին ներկայացուցիչ Թուլսի Գաբարդը։
Սենատի նախկին խորհրդական Տարա Ռիդը հայտարարել է.«Աֆղանստանի պատերազմից մենք անցանք Ուկրաինայի պատերազմին։ Այս իրավիճակին պետք է վերջ դնել: Չափազանց շատ մարդիկ են զրկվում կյանքից»։