Չինաստանն աջակցում է «Հյուսիսային հոսք» գազատարի պայթյունների վերաբերյալ ռուսական բանաձևի նախագծին
ՄԱԿ-ում Չինաստանի ներկայացուցիչը հայտարարել է, որ Պեկինն աջակցում է «Հյուսիսային հոսք» գազատարի պայթյունների վերաբերյալ ռուսական բանաձևի նախագծին:
Բալթիկ ծովով ռուսական գազը Եվրոպա տեղափոխող «Հյուսիսային հոսք 1» և «Հյուսիսային հոսք 2» գազատարների պայթյունները տեղի են ունեցել 2022 թվականի սեպտեմբերի 26-ին։
Երկուշաբթի օրը, ՄԱԿ-ի կենտրոնակայանում, լրագրողների հետ ճեպազրույցում, կազմակերպությունում Չինաստանի մշտական ներկայացուցիչ Չժան Ջունն ասել է, որ Չինաստանն աջակցում է «Հյուսիսային հոսք» գազատարում տեղի ունեցած ահաբեկչությունը հետաքննելու եվրաբերյալ ՄԱԿ-ի ԱԽ Ռուսաստանի ներկայացրած բանաձևին:
Բանաձևը կարող է քվեարկության դրվել այս շաբաթ, քանի որ Ռուսաստանը խնդրել է փետրվարի 22-ին անցկացնել «Հյուսիսային հոսք» գազատարի հարցով ՄԱԿ-ի Անվտանգության խորհրդի նիստը։
Բանաձևի մասին անցած ուրբաթ հայտնել էր ՄԱԿ-ում ՌԴ մշտական ներկայացուցչի առաջին տեղակալ Դմիտրի Պոլյանսկին:
Հարկ է նշել, որ ավելի վաղ, ամերիկացի հայտնի լրագրող Սեյմուր Հերշը մի հոդվածում բացահայտել էր, որ ԱՄՆ ռազմածովային ուժերի սուզորդները ռումբեր են տեղադրել «Հյուսիսային հոսք 1» և «Հյուսիսային հոսք 2» գազատարների երկայնքով:
Հոդվածում Հեշը գրել էր. «2022թ. հունիսին, ՆԱՏՕ-ի Balltops 22 զորավարժությունների քողի տակ, ԱՄՆ ռազմածովային ուժերի սուզորդները գազատարի երկայնքով տեղադրել են հեռակառավարվող ռումբեր, իսկ երեք ամիս անց՝ չորս խողովակաշարերից երեքում պայթյուն է տեղի ունեցել»:
Հերշը նշել է, որ այս գործողությունն իրականացնելու որոշումը կայացրել է Ջո Բայդենը, սակայն Սպիտակ տունը հերքել է այս մեղադրանքը: