Եվրամիությունը Հայաստանին և Ադրբեջանին զսպվածության կոչ է արել
Հայաստանի և Ադրբեջանի Հանրապետության միջև բախումները վերսկսելուց հետո, Եվրամիությունը երկու երկրներին զսպվածության կոչ է արել:
Ինչպես հաղորդում է ԻՌՆԱ լրատվական գործակալությունը, Եվրամիությունը տարածել է հայտարարություն,որում ցավ հայտնելով ապրիլի 11-ին հայ-ադրբեջանական սահմանին Տեղ համայնքի հատվածում տեղի ունեցած զինված բախումների կապակցությամբ, Հայաստանին և Ադրբեջանին կոչ է արել վեճերը լուծել խաղաղ ճանապարհով:
Եվրախորհրդի նախագահ Շառլ Միշելը Ադրբեջանի Հանրապետության և Հայաստանի ղեկավարների հետ հեռախոսազրույցում մտահոգություն է հայտնել երկու երկրների միջև լարվածության աճի կապակցությամբ և երկու երկրների ղեկավարներին կոչ է արել փոխզիջման ելքեր փնտրել և ձեռնպահ մնալ ցանկացած գործողությունից, որը կսրի լարվածությունը Հարավային Կովկասում:
Երեքշաբթի օրը ԱՀ և Հայաստանի սահմանապահ ուժերը հրետանային հարձակումներով թիրախավորել են միմյանց դիրքերը։
Այս կապակցությամբ Հայաստանի պաշտպանության նախարարությունը տարածել է հաղորդագրություն,որում հայտարարել է,-« Ապրիլի 11-ին՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի հատվածում ինժեներական աշխատանքներ իրականացնող ՀՀ ԶՈՒ զինծառայողների ուղղությամբ,որի հետևանքով զոհվել է չորս և վիրավորվել 6 զինվոր»:
ՀՀ Պաշտպանության նախարարության հաղորդագրության մեջ ասված է,որ հայկական կողմը դիմել է պատասխան գործողությունների, հրետանային հարձակման ենթարկելով ադրբեջանական կողմի դիրքերը:
