Ադրբեջանը եւ Թուրքիան զորավարժություններ կանցկացնեն Նախիջեւանում եւ օկուպացված Արցախում

Ադրբեջանը եւ Թուրքիան զորավարժություններ կանցկացնեն Նախիջեւանում եւ օկուպացված Արցախում։

Ինչպես տեղեկացրել է Reuters-ը՝ հղում կատարելով Ադրբեջանի ՊՆ-ին, զորավարժությունները նվիրված են Թուրքիայի Հանրապետության հարյուրամյա հոբելյանին, դրանք տեղի կունենան հոկտեմբերի 23-25-ին մի քանի շրջաններում։ Դրանց մեջ են Բաքուն, Նախիջեւանը եւ Արցախի օկուպացված տարածքը։

Անցած ամիս Ադրբեջանի նախագահ Իլհամ Ալիեւը բանակցություններ է վարել թուրք գործընկերոջ՝ Թայիփ Էրդողանի հետ Նախիջեւանում, Արցախ ադրբեջանական զորքերի ներխուժումից մեկ շաբաթ հետո։ Հանդիպման ժամանակ Ալիեւը ստացել է Էրդողանի աջակցությունը արեւմտյան Ադրբեջանի եւ Նախիջեւանի միջեւ Հայաստանի տարածքով ցամաքային միջանցքի ստեղծման հարցում։

news.am