Լոնդոնում շարունակվում են հակասիոնիստական ցույցերը
Բրիտանիայում բնակվող Պաղեստինի աջակիցները յոթերորդ շաբաթն անընդմեջ մասնակցելով հակասիոնիստական զանգվածային ցույցերին, հերթական անգամ համերաշխություն են հայտնել Գազայի ճնշված ժողովրդին։
Շաբաթ երեկոյան Բրիտանիայում բնակվող տարբեր ազգություններից՝ Պաղեստինի աջակիցները՝ Լոնդոնի փողոցներ դուրս գալով և կրելով Պաղեստինի դրոշը, և Գազայում Սիոնիստական ռեժիմի հանցագործությունների մասին գրություններ ու նկարներ պարունակող պաստառներ, ընդգծել են.- Իսրայելը ահաբեկչական ռեժիմ է, և ռազմական հանցագործները պետք է դատվեն ու պատժի ենթարկվեն։
Ցուցարարները ներկայանալով Բրիտանիայի վարչապետարանի ու խորհրդարանի շենքերի առջև վանկարկել են Պաղեստինի հողերի ազատագրման վերաբերյալ կարգախոսը և դատապարտել են Բրիտանիայի կառավարության կողմից Սիոնիստական ռեժիմին ցուցաբերվող աջակցությունը։
Լոնդոնում հակասիոնիստական ցույցի ժամանակ Պաղեստինի մի խումբ կողմնակիցներ Iran Press լրատվական գործակալության թղթակցի հետ զրույցում ընդգծել են, որ այս ցույցին ժողովրդի մասնակցության ուղերձը Սիոնիստական ռեժիմի հանցագործությունների դադարեցումն է և Գազայի հատվածում մշտական հրադադարի հաստատումը։
Պաղեստինի այս աջակիցները պահանջել են դադարեցնել որոշ արևմտյան երկրների, այդ թվում՝ Բրիտանիայի և ԱՄՆ-ի աջակցությունը Սիոնիստական ռեժիմին և ընդգծել այս մանկասպան ռեժիմի դեմ քաղաքական և տնտեսական պատժամիջոցներ կիրառելու անհրաժեշտությունը։
Չնայած Գազայի հատվածում քառօրյա ժամանակավոր հրադադարի հաստատմանը, աշխարհի տարբեր քաղաքներում Պաղեստինի կողմնակիցները մասնակցում են հակասիոնիստական ցույցերին և ընդգծում են Գազայում և պաղեստինյան բոլոր տարածքներում պատերազմը վերջնականապես դադարեցվելու և մշտական խաղաղություն հաստատվելու անհրաժեշտությունը։