Աֆրիկայում սահմանվել է Պուտինի անվան մրցանակ

Կոտ դ'Իվուարից և Բուրկինա Ֆասոյից մի խումբ հասարակական գործիչներ սահմանել են մրցանակ՝ այն անվանելով ՌԴ նախագահ Վլադիմիր Պուտինի պատվին։ Այս մասին գրում է News.ru-ն:

Նախաձեռնողներն են կոտդիվուարյան SOTOVPOA կազմակերպությունը («Աֆրիկայում Վլադիմիր Պուտինին ամբողջական աջակցություն») և Բուրկինա Ֆասոյում Ռուսաստանի հետ բարեկամության ասոցիացիան։

Նոր մրցանակն առաջին անգամ կհանձնվի դեկտեմբերի 28-ին Ուագադուգուում։ Այն կշնորհվի իրենց ժողովրդի ազատության համար պայքարող առաջնորդների, հայտնում է African Initiative թելեգրամյան ալիքը։

tert.am