Ուկրաինան հերքել է Իրանից Ռուսաստան հրթիռների արտահանման մասին լուրերը
Ուկրաինայի հետախուզության բարձրաստիճան պաշտոնյան հերքել է Ռուսաստան իրանական բալիստիկ հրթիռներ ուղարկելու մասին լուրերը։
Ուկրաինայի ռազմական հետախուզության դեպարտամենտի ղեկավար՝ Կայրլո Բուդանովը հերքել է ուկրաինական պատերազմում օգտագործելու համար Իրանից Ռուսաստան հեռահար հրթիռներ ուղարկելու մասին Արևմուտքի պնդումները և ասել. «Իրանական հրթիռներ Ռուսաստանի տարածքում չկան և այս առնչությամբ բոլոր լուրերը սուտ են»:
Ուկրաինայի հետախուզության այս բարձրաստիճան պաշտոնյան հավելեց. «Ռուսաստանի կողմից ստացված հյուսիսկորեական հրթիռների միայն մի փոքր մասն է օգտագործվել Ուկրաինայի պատերազմում, և դրանց համատարած օգտագործումը չի համապատասխանում իրականությանը»:
Փետրվարի 21-ին Reuters լրատվական գործակալությունը իր զեկույցում պնդեց, որ Իրանը Ռուսաստան է արտահանել 400 «երկիր-երկիր» բալիստիկ հրթիռ:
Իրանի Իսլամական Հանրապետությունը բազմիցս մերժել է ուկրաինական պատերազմում Ռուսաստանին անօդաչու սարքեր կամ հրթիռներ մատակարարելու Արևմուտքի պնդումները և հայտարարել, որ Ռուսաստանի հետ ռազմական համագործակցությունը կապված չէ ուկրաինական պատերազմի հետ և իրականացվում է պաշտպանական երկկողմ հարաբերությունների շրջանակներում։
ՄԱԿ-ում Իրանի Իսլամական Հանրապետության ներկայացուցիչը ևս փետրվարի 23-ին հայտարարեց. -Թեև բալիստիկ հրթիռների վաճառքի վերաբերյալ իրավական սահմանափակումներ չկան, սակայն Իրանը բարոյապես պարտավոր է ձեռնպահ մնալ սպառազինական գործարքներից Ռուսաստանի և Ուկրաինայի միջև հակամարտության ընթացքում՝ պատերազմի տարածումը կանխելու նպատակով, և դա հիմնված է միջազգային օրենքներին և ՄԱԿ-ի կանոնադրությանը Իրանի հավատարմության վրա: