Արկտիկայի սառույցը կվերանա առաջիկա մի քանի տարվա ընթացքում. Nature Reviews
Կոլորադոյի Բոուլդերի համալսարանի գիտնականները կանխատեսում են, որ Արկտիկան առաջիկա մի քանի տարիների ընթացքում՝ նախորդ կանխատեսումներից 10 տարի շուտ, կարող է ազատվել ծովի սառույցից: Հետազոտության արդյունքները հրապարակվել են Nature Reviews Earth & Environment ամսագրում:
Արկտիկան համարվում է սառույցից զերծ, երբ սառույցով ծածկված օվկիանոսի տարածքը մեկ միլիոն քառակուսի կիլոմետրից պակաս է: Շեմը 1980-ականների սեզոնային նվազագույն սառցե ծածկույթից 20 տոկոսից պակաս է:
Վերջին տարիներին Սառուցյալ օվկիանոսում ծովի սառույցի նվազագույն ծավալը սեպտեմբերին կազմել է մոտ 3,3 միլիոն քառակուսի կիլոմետր: Հետազոտողները կանխատեսում են, որ 2020-2030 թվականների ընթացքում ջերմոցային գազերի արտանետումների բոլոր սցենարներով Սառուցյալ օվկիանոսը կարող է առաջին անգամ սառույցից զերծ մնալ օգոստոսի վերջին կամ սեպտեմբերի սկզբին, որոնք սառույցի կորստի հիմնական պատճառն են: Ձյան և սառույցի ծածկույթի նվազումը մեծացնում է օվկիանոսի կողմից կլանված արևի լույսից ստացվող ջերմության քանակը, ինչը սրում է սառույցի կորուստը և տաքացումը Արկտիկայում:
Ծովային սառույցի կրճատումը զգալի ազդեցություն է թողնում Արկտիկայի կենդանիների վրա, որոնք կախված են ծովի սառույցից, ներառյալ փոկերը և բևեռային արջերը: Բացի այդ, երբ օվկիանոսը տաքանում է, ոչ բնիկ ձկները կարող են Ատլանտյան և Խաղաղ օվկիանոսներից տեղափոխվել Հյուսիսային սառուցյալ օվկիանոս: Այս ինվազիվ տեսակների ազդեցությունը հայրենի էկոհամակարգերի վրա մնում է անհասկանալի:
