Կովկասյան տարածաշրջանում իրավիճակը մնում է անկայուն. ՀԱՊԿ շտաբի պետ
Իրավիճակը կովկասյան տարածաշրջանում մնում է անկայուն, շարունակվում է այն կարգավորելու գործընթացը, մամուլի ասուլիսի ժամանակ հայտարարել Է ՀԱՊԿ միացյալ շտաբի պետ Անդրեյ Սերդյուկովը:
Առանցքային է մնում հայ-ադրբեջանական սահմանի սահմանազատումը և խաղաղության պայմանագրի կնքման նախապատրաստումը։
«Հարավային Կովկասում լարվածությանը նպաստում են արևմտյան երկրների փորձերը՝ ամրագրելու իրենց ազդեցությունը տարածաշրջանում», - ասել է նա։
Սերդյուկովը նաև նշել է, որ Հյուսիսատլանտյան դաշինքը մեծացնում է ռազմական ակտիվությունը Ռուսաստանի և Բելառուսի սահմանների մոտ, ՀԱՊԿ սահմաններին ՆԱՏՕ-ի զորքերի վերախմբավորման ժամկետները կրճատելու նպատակով կատարելագործում է տարածաշրջանում առկա օպերատիվ սարքավորումները:
Պաշտոնյայի գնահատմամբ, միացյալ շտաբի և ՀԱՊԿ աշխատանքն, ընդհանուր առմամբ, անցած տարի իրականացվել է համաշխարհային գործընթացներում անկայունության և տուրբուլենտության շարունակական ուժեղացման, ինչպես նաև գլոբալ քաղաքականության մեջ աճող հակասությունների պայմաններում, ինչն էական ազդեցություն է ունեցել կոնֆլիկտային ներուժի վրա:
arm.sputniknews
