Թուրքիայի և Ադրբեջանի արտգործնախարարները
Թուրքիայի և Ադրբեջանի արտգործնախարարներ Հաքան Ֆիդանը և Ջեյհուն Բայրամովը քննարկել են Բաքվի և Երևանի միջև խաղաղության գործընթացը։
Հանդիպումը տեղի է ունեցել Մյունխենի անվտանգության համաժողովի շրջանակներում։ Այդ մասին հայտնում է ՏԱՍՍ-ը հղում անելով Ադրբեջանի ԱԳՆ մամուլի ծառայությանը։
«Նախարար Բայրամովն իր թուրք գործընկերոջը տեղեկացրել է տարածաշրջանում տիրող իրավիճակի և Ադրբեջանի և Հայաստանի միջև խաղաղ գործընթացում առկա իրավիճակի մասին»,-ասված է հաղորդագրությունում։
Ըստ Ադրբեջանի ԱԳՆ-ի, կողմերը մտքեր են փոխանակել նաև Մերձավոր Արևելքում, մասնավորապես, Գազայի հատվածում և Սիրիայում տիրող իրավիճակի շուրջ։
Հաղորդագրության մեջ նշվում է, որ նախարարները քննարկել են երկկողմ համագործակցության մի շարք ասպեկտներ, այդ թվում՝ քաղաքական, տնտեսական, տրանսպորտի և կապի ոլորտներում, ինչպես նաև անվտանգության ոլորտում։
panorama.am