Միջազգային արձագանքը Սիոնիստական ռեժիմի կողմից Իրանի դեմ ուղղված ագրեսիային
Սիոնիստական ռեժիմի կողմից Իրանի դեմ ագրեսիայից հետո, մի շարք երկրների և միջազգային կազմակերպությունների պաշտոնյաներ առանձին ուղերձներ են հղել՝ դատապարտելով այդ հարձակումները։
Սիոնիստական ռեժիմի կողմից հունիսի 13-ի լուսադեմին Իրանի, այդ թվում՝ քաղաքացիական և ռազմական տարածքների վրա իրականցված հարձակումը հանգեցրեց մեր սիրելի հայրենակիցների, այդ թվում՝ կանանց և երեխաների, ինչպես նաև ԶՈՒ մի շարք հրամանատարների նահատակությանն ու վիրավորվելուն։
ՄԱԿ-ի գլխավոր քարտուղար Անտոնիո Գուտերեշն արձագանքելով Իսրայելի ագրեսիային, դատապարտել է Արևմտյան Ասիայի տարածաշրջանում ցանկացած ռազմական էսկալացիա։
Եմենի կառավարությունը նույնպես հայտարարություն է տարածել, որում դատապարտել է Սիոնիստական ռեժիմի կողմից ԻԻՀ դեմ ուղղված բացահայտ ագրեսիան։ «Մենք լիովին վստահ ենք Իրանը կարող է արձագանքել այս ագրեսիային և մեր ժողովրդի ինքնիշխանության ու իրավունքների ցանկացած խախտման», ասված է հայտարարության մեջ։
Օմանի Սուլթանությունը նույնպես հայտարարություն է տարածել, որում խստորեն դատապարտել է Սիոնիստական ռեժիմի կողմից ԻԻՀ տարածքում իրականացված «բարբարոսական ռազմական հարձակումը», որը թիրախավորել է կառավարական օբյեկտները և հանգեցրել մարդկային զոհերի, այն որակելով որպես «վտանգավոր, սադրիչ և անխոհեմ» գործողություն, որը ՄԱԿ-ի կանոնադրության և միջազգային իրավունքի սկզբունքների ակնհայտ խախտում է։
Սաուդյան Արաբիայի ԱԳՆ-ն նույնպես հայտարարությամբ է հանդես եկել, որում ասված է. «Սաուդյան Արաբիան խստորեն դատապարտում է Իսրայելի կողմից Իրանի դեմ ուղղված բացահայտ ագրեսիան, որը խաթարել է երկրի ինքնիշխանությունն ու անվտանգությունը և համարվում է միջազգային օրենքների ու նորմերի ակնհայտ խախտում»։
