Մոսկվայի տեսակետը՝ Իրանի, Ռուսաստանի և Չինաստանի միջև համատեղ ռազմածովային զորավարժությունների վերաբերյալ

Մոսկվան հայտարարել է, որ Հորմուզի նեղուցում Իրանը, Ռուսաստանը և Չինաստանը մասնակցում են համատեղ ռազմածովային զորավարժությունների։  

Pars Today-ի փոխանցմամբ՝ ՌԴ նախագահի օգնական և Ռուսաստանի ռազմածովային շտաբի պետ Նիկոլայ Պատրուշևը հայտարարել է, որ Ռուսաստանը, Չինաստանը և Իրանը նավեր են ուղարկել Հորմուզի նեղուց՝ զորավարժություններին մասնակցելու համար։ Նա  «Ծովային անվտանգության գոտի-2026» զորավարժությունները որակել է որպես կարևոր և ժամանակին համապատասխանող իրադարձություն։
«Անվտանգության գոտի» ռազմածովային զորավարժությունները անցկացվում են 2019 թվականից՝ Իրանի ռազմածովային ուժերի նախաձեռնությամբ։ Զորավարժությունների նպատակն է ամրապնդել համաշխարհային ծովային առևտրի անվտանգությունը, համատեղ միջոցներ ձեռնարկել ծովահենության, ծովային ահաբեկչության դեմ պայքարի և փրկարարական գործողություններ իրականացնելու համար։
Խոսելով այլ երկրների, այդ թվում՝ BRICS-ի անդամների հետ Ռուսաստանի համատեղ ռազմածովային զորավարժությունների  մասին, ռուս բարձրաստիճան պաշտոնյան ասել է. «Նավատորմերը համակարգված զորավարժություններ են անցկացրել առևտրային ուղիների պաշտպանության համար, որոնք ներկայումս ավելի խոցելի են, ինչպես նաև արևմտյան ծովահենության դեմ»։
Իրանի, Ռուսաստանի և Չինաստանի համատեղ ռազմածովային զորավարժությունները ռազմավարական նշանակություն ունեն։ Տարածաշրջանային և համաշխարհային արագ զարգացումների համատեքստում, այս զորավարժությունը բազմաթիվ ուղերձներ է հղում միջազգային դերակատարներին։
Զորավարժությունների կարևորության առաջին պատճառը աշխարհաքաղաքական միակողմանիության պայմաններում ռազմավարական զսպումն է։ Քանի որ Միացյալ Նահանգները վերջերս լայնածավալ ռազմական գործողություններ է իրականացրել Կարիբյան ավազանում և Խաղաղ օվկիանոսում՝ ցույց տալով իր շահերը պաշտպանելու համար անխոհեմ ուժ կիրառելու պատրաստակամությունը, միաժամանակ հաստատելով Հնդկական օվկիանոսի հյուսիսում և Արաբական ծովում ռազմածովային ներկայություն, Թեհրանի, Մոսկվայի և Պեկինի դաշինքը հանդես է գալիս որպես հակակշիռ։ Այս զորավարժությունը Վաշինգտոնին ցույց են տալիս, որ աշխարհի տարբեր մասերում միակողմանի ռազմական գործողությունները կհանդիպեն համակարգված և հզոր պատասխանների Հնդկական օվկիանոսի հյուսիսում և  Պարսից ծոցում, և որ Արևմտյան Ասիայի տարածաշրջանը երբեք միաբևեռ խաղադաշտ չէ։
Երկրորդ պատճառը կենսականորեն նշանակություն ունեցող տնտեսական և էներգետիկ ուղիների անվտանգությունն ապահովելն է։ 2026 թվականին համաշխարհային շուկաներում լուրջ տատանումներ կլինեն։ Չինաստանի՝ որպես էներգիայի ամենամեծ սպառողի, և Ռուսաստանի՝ որպես էներգետիկ շուկաների խոշոր խաղացողի համար, Հորմուզի նեղուցի և Օմանի ծովի անվտանգությունը կենսական նշանակություն ունի։ Այս զորավարժությունների անցկացումը Պարսից ծոցում և Օմանի ծովում անապահովություն ստեղծելու ԱՄՆ ջանքերի ֆոնին ուղերձ է հղում աշխարհի ներդրողներին և կառավարություններին, որ միջազգային առևտրի և էներգետիկ փոխադրման անվտանգությունը երաշխավորված է տարածաշրջանային տերությունների և նրանց գործընկերների կողմից, և տարածաշրջանայինից դուրս ուժերի ներկայության անհրաժեշտություն չկա։
Երրորդ պատճառը բազմակողմանիության ամրապնդումն է և ուժի բազմաբևեռացումը։ Այս զորավարժությունների անցկացումը 2026 թվականի փետրվարին, հենց այն ժամանակ, երբ Արևմուտքը փորձում է ճնշում գործադրել անկախ երկրների, մասնավորապես Իրանի վրա՝ պատժամիջոցներով և առավելագույն ճնշմամբ, ինչպես նաև ռազմական սպառնալիքներով, առանձնահատուկ նշանակություն ունի։ Այն ցույց է տալիս, որ երկրները մեկուսացնելու արևմտյան մեխանիզմները ձախողվել են, և որ Իրանը, Ռուսաստանը և Չինաստանը կարող են համատեղ աշխատել՝ արևմտյան ռազմական կառույցներից անկախ պաշտպանական համագործակցության նոր մոդել ապահովելու համար։ Սա կբարձրացնի երեք երկրների քաղաքական և ռազմական հեղինակությունը միջազգային ֆորումներում։
 Չորրորդ գործոնը մարտավարական համակարգման և տեղեկատվության փոխանակման բարելավումն է։ Ժամանակակից ծովային սպառնալիքները՝ թմրանյութերի ապօրինի շրջանառությունից մինչև ասիմետրիկ հարձակումներ և ծովային ահաբեկչություն, պահանջում են համատեղ արձագանք։